எம்ஜி மோட்டார் நிறுவனத்தின் கார்களுக்கு அசத்தல் சலுகை !!

எம்ஜி மோட்டார் நிறுவனத்தின் இந்திய விற்பனையாளர்கள் பல கார் மாடல்களுக்கு அசத்தல் சலுகை மற்றும் பலன்களை வழங்குகிறது. இதில் எம்ஜி குளோஸ்டர், ஹெக்டர், ஆஸ்டர், ZS EV மற்றும் கொமெட் EV மாடல்களுக்கு அதிக சலுகைகள் வழங்கப்படுகிறது.

எம்ஜி குளோஸ்டர் மாடலுக்கு ரூ. 6 லட்சம் வரையிலான பலன்கள் வழங்கப்படுகிறது. தற்போது இந்த மாடலின் விலை ரூ. 38 லட்சத்து 80 ஆயிரத்தில் துவங்கி ரூ. 43 லட்சத்து 87 ஆயிரம் என நிர்ணயம் செய்யப்பட்டு உள்ளது.

எம்ஜி ஹெக்டார் மாடலுக்கு ரூ. 3 லட்சம் வரையிலான சலுகை வழங்கப்படுகிறது. இந்திய சந்தையில் இதன் விலை ரூ. 13 லட்சத்து 99 ஆயிரம் என துவங்குகிறது.

இந்த கார் 2.0 லிட்டர் டீசல் மற்றும் 1.5 லிட்டர் டர்போ பெட்ரோல் எஞ்சின் ஆப்ஷன்களில் கிடைக்கிறது. எம்ஜி ஆஸ்டர் மாடலை வாங்கும் போது ரூ. 2 லட்சம் வரையிலான பலன்கள் வழங்கப்படுகிறது. இதன் விலை ரூ. 9 லட்சத்து 98 ஆயிரம் என நிர்ணயம் செய்யப்பட்டு உள்ளது.

இந்த கார் 1.5 லிட்டர் NA பெட்ரோல் மற்றும் 1.3 லிட்டர் டர்போ பெட்ரோல் எஞ்சின் ஆப்ஷன்களில் கிடைக்கிறது. எம்ஜி ZS EV மற்றும் கொமெட் EV மாடல்களை வாங்கும்போது முறையே ரூ. 2.2 லட்சம் மற்றும் ரூ. 90 ஆயிரம் வரையிலான சலுகை வழங்கப்படுகிறது.