முத்துச்சோளிபாளையத்தில் டூவீலரை வேகமாக இயக்கியதால் கீழே விழுந்து விபத்து. அரசு பள்ளி ஆசிரியர் படுகாயம்.

முத்துச்சோளிபாளையத்தில் டூவீலரை வேகமாக இயக்கியதால் கீழே விழுந்து விபத்து. அரசு பள்ளி ஆசிரியர் படுகாயம். கரூர் மாவட்டம், புகலூர் தாலுகா, காட்டுமுன்னூர் பகுதியைச் சேர்ந்தவர் தங்கவேல் வயது 57. இவர் தென்னிலை பகுதியில் செயல்படும் அரசு மேல்நிலைப் பள்ளியில் பொருளாதார பாடப்பிரிவில் ஆசிரியராக பணியாற்றி வருகிறார். இந்நிலையில் ஜூலை 30ஆம் தேதி இரவு 7:10- மணியளவில், கரூர் - கோவை சாலையில் அவருக்கு சொந்தமான டூவீலரில் சென்று கொண்டு இருந்தார். இவரது வாகனம் முத்துச்சோளி பாளையம், ஜெயராம் ரைஸ் மில் அருகே வந்த போது, டூவீலரை வேகமாக இயக்கியதால், வாகனம் கட்டுப்பாட்டை இழந்து, கீழே விழுந்து விபத்து ஏற்பட்டது. இந்த விபத்தில் பலத்த காயமடைந்த தங்கவேலை மீட்டு, தனியார் ஆம்புலன்ஸ் மூலம் கோவையில் உள்ள ராயல் கேர் மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த தங்கவேலின் மகன் அபிநவ் வயது 19 என்பவர் அளித்த புகாரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக டூவீலரை வேகமாக இயக்கி விபத்து ஏற்பட காரணமான தங்கவேல் மீது வழக்கு பதிவு செய்துள்ளனர் க.பரமத்தி காவல்துறையினர்.