அரசு பள்ளியில் மாணவர்களின் கற்றல் திறன் குறித்து கலெக்டர் ஆய்வு

உங்களைத் தேடி உங்கள் ஊரில் திட்டத்தின் கீழ் மாவட்ட ஆட்சித் தலைவர் கிரேஸ் பச்சாவ் வேப்பந்தட்டை வட்டம் வாலிகண்டபுரம் ஊராட்சியில் ஊராட்சி ஒன்றிய தொடக்கப் பள்ளியினை பார்வையிட்டு ஆய்வு செய்து, மாணவர்கள், ஆசிரியர்களின் வருகை பதிவு மற்றும் பள்ளியின் அடிப்படை வசதிகள் மாணவர்களுக்கு வழங்கப்படும் மதிய உணவின் தரம் மற்றும் பொருட்களின் இருப்பு நிலை குறித்து ஆய்வு செய்தார் . பின்னர் 4 ஆம் வகுப்பில் நடைபெற்று வந்த கணித பாடப் பிரிவில் மாணவர்களின் கற்றல் திறனை பரிசோதனை செய்திடும் வகையில் மாணவியை கரும்பலகையில் எழுதச்சொல்லி ஆய்வு செய்தார். இந்நிகழ்வின் போது அரசுத்துறை அலுவலர்கள் பலர் கலந்து கொண்டனர்