அறந்தாங்கி: அறந்தாங்கி அருகே ரத்தினகோட்டை கிராமத்தை சேர்ந்தவர் கோபு (30). இவர் நேற்று முன்தினம் பைக்கில் அறந்தாங்கி வந்து விட்டு மீண்டும் ஊருக்கு சென்றுக்கொண்டிருந்தார். ஆர்டிஓ அலுவலகம் அருகே சென்றபோது, சாலை யின் குறுக்கே மாடுகள் கூட்டமாக நின்றுக்கொண்டிருந்ததை பார்த்த கோபு, பைக்கை மெதுவாக ஓட்ட முயன்றார். எனினும், பைக் கட்டுப்பாட்டை இழந்து மாடுகள் மீது மோதியது. இதில் கீழே விழுந்து படுகாயமடைந்த கோபுவை அருகில் இருந்தவர்கள் மீட்டு அறந்தாங்கி அரசு மருத்துவமனைக்கு சிகிச்சைக்காக அனுப்பி வைத் தனர். கோபுவை பரிசோதித்த டாக்டர்கள் அவர் ஏற்கனவே இறந்துவிட்டதாக தெரிவித்தனர். இது குறித்து அறந்தாங்கி போலீசார் வழக்குப்பதிந்து விசாரணை நடத்தி வருகின்றனர்.