விராலிமலை:திருச்சி மாவட்டம் அரியமங்கலம் சீனிவாசா நகரை சேர்ந்தவர் சேதுராமன்(48). இவரது மனைவி பஞ்சவர்ணம் (43). இவர்கள் இருவரும் நேற்று திருச்சி-மதுரை தேசிய நெடுஞ்சாலையில் பைக்கில் சென்றனர். லஞ்சமேடு பிரிவு சாலையை கடந்தபோது, மதுரையில் இருந்து திருச்சி நோக்கி வந்த அரசு பஸ் எதிர்பாராதவிதமாக பைக் மீது மோதியது.இதில் படுகாயமடைந்த இருவரும் மணப்பாறை தனியார் மருத்துவமனையில் சேர்க்கப்பட்டனர். மேல்சிகிச்சைக்காக திருச்சி அரசு மருத்துவமனைக்கு கொண்டு செல்லப்பட்ட சேதுராமன் அங்கு உயிரி ழந்தார். இதுகுறித்து விராலிமலை போலீசார் வழக் குப்பதிந்து விசாரணை நடத்தி வருகின்றனர்.