நாமக்கல் தினசரி மார்க்கெட் வளாகத்தில் இலை கடைகள் திறப்பு விழா!

நாமக்கல் திருச்செங்கோடு ரோடு மாநகராட்சி காய்கறி சந்தை வளாகத்தில் வாழை இலை கடைகள் திறக்கப்பட்டன.மார்க்கெட் வளாகத்திற்கு வெளியே செயல்பட்டு வந்த வாழை இலை கடைகளுக்கு மார்கெட் வளாகத்தில் கடைகள் அமைத்து தர வணிகர்கள் கோரிக்கை வைத்திருந்தனர். கோரிக்கையை ஏற்றுக் கொண்ட மார்க்கெட் ஒப்பந்ததாரர்கள், மாநகராட்சியின் அனுமதியோடு கடைகள் அமைத்துக் கொடுத்தனர். இந்த கடைகளுக்கான திறப்பு விழா நாமக்கல் நகர தினசரி மார்க்கெட் காய்கறி வியாபாரிகள் சங்கத்தின் தலைவர் மனோகரன் தலைமையில் நடைபெற்றது. நிகழ்ச்சியில் சிறப்பு அழைப்பாளராக கலந்துகொண்ட தமிழ்நாடு வணிகர் சங்கங்களின் பேரமைப்பின் நாமக்கல் மாவட்ட தலைவர் ஜெயகுமார் வெள்ளையன் ரிப்பன் வெட்டி கடைகளை திறந்து வைத்தார்.கோரிக்கை நிறைவேறி கடைகள் ஒதுக்கப்பட்டதை முன்னிட்டு வாழை இலை வியாபாரிகள் கடைகளுக்கு சிறப்பு பூஜை செய்து விருந்தினர்கள் உள்ளிட்ட அனைத்து வணிகர்களுக்கும் உணவளித்து மகிழ்ந்தனர்.நிகழ்வில் பேரமைப்பின் மாவட்ட பொருளாளர் சீனிவாசன், இளைஞர் அணி மாவட்ட செயலாளர் ராயல் பத்மநாபன், இணை செயலாளர் எவரெஸ்ட் ராஜா, மார்க்கெட் சங்க செயலாளர் சிவக்குமார், பொருளாளர் ராஜசேகரன், இணை செயலாளர் விஜயகுமார், செய்தி தொடர்பாளர் ராமச்சந்திரன், மதிபாலன் உள்ளிட்ட நிர்வாகிகள் மற்றும் உறுப்பினர்கள் கலந்துகொண்டனர்.