75 ஆயிரம் நாட்டின மீன் குஞ்சுகள் உற்பத்தி பெருக்கும் நிகழ்ச்சி

கரூர் மாவட்டம், மாயனூர் காவிரி ஆறு கதவணையில், மீன்வளம் மற்றும் மீனவர் நலத்துறை சார்பில் பிரதம மந்திரி மீன்வள மேம்பாட்டு திட்டத்தின் கீழ், காவிரி ஆற்றில் நாட்டின மீன் குஞ்சுகள் இருப்பு செய்தல் நிகழ்ச்சி நடைபெற்றது. மாவட்ட ஆட்சியர் தங்கவேல் தலைமை யில் நடைபெற்ற நிகழ்ச்சியில் 75- ஆயிரம் மீன் குஞ்சுகளை உற்பத்தி செய்வதற்கு தொடங்கி வைத்தார். இதில், கல்பாசு, ரோகு கட்லா, மிர்கால் உள்ளிட்ட 75 ஆயிரம் நாட்டின மீன் குஞ்சுகளை ஆட்சியர் தங்கவேல் காவிரி ஆற்றில் விட்டார். இந்நிகழ்ச்சியில் மீன்வளத்துறை அலுவலர்கள், பொதுப்பணித்துறை, வருவாய் துறை அலுவலர்கள் மற்றும் அப்பகுதியைச் சேர்ந்த மீனவர்கள் கலந்து கொண்டனர்.