நகர மளிகை வர்த்தகர் சங்க புதிய நிர்வாகிகள் தேர்வு.

நாமக்கல் மாவட்ட நகர மளிகை வர்த்தகர் சங்கத்தின் புதிய நிர்வாகிகள் தேர்ந்தெடுத்தல் மற்றும் புதிய உறுப்பினர் சேர்க்கை கூட்டம் நடைபெற்றது. S.T.V.G.பத்ரி நாராயணன் கூட்டத்திற்கு தலைமை தாங்கினார். தமிழ்நாடு வணிகர் சங்கங்களின் பேரமைப்பின் மாவட்ட செயலாளர் பொன்.வீரக்குமார், பொருளாளர் S.K.சீனிவாசன் ஆகியோர் முன்னிலை வகித்தனர். சேலம் ஸ்டோர்ஸ் ஜிக்கி ஜெகதீசன் வரவேற்புரை நிகழ்த்தினார். புதிய உறுப்பினர் சேர்க்கை நிகழ்ச்சியில் இதுவரை சங்கத்தில் உறுப்பினராக இணையாமல் இருந்த பல்வேறு மளிகை கடை உரிமையாளர்கள், சூப்பர் மார்க்கெட் உரிமையாளர்கள், பலசரக்கு வணிகர்கள் தங்களை சங்கத்தில் உறுப்பினர்களாக இணைத்துக் கொண்டனர். தொடர்ந்து புதிய நிர்வாகிகள் தேர்வு நடைபெற்றது. கெளரவ தலைவர்களாக S.T.V.G.பத்ரி நாராயணன், சேலம் ஸ்டோர்ஸ் ஜிக்கி ஜெகதீசன் ஆகியோரும், புதிய தலைவராக S.K.S.மளிகை செந்தில்குமார், செயலாளராக நிஜாம் ஸ்டோர்ஸ் சிராஜுதீன், பொருளாளராக கிரீன்ஸ் கோவிந்தராஜ் ஆகியோரும் ஒரு மனதாக தேர்ந்தெடுக்கப்பட்டனர். தொடர்ந்து துணை நிர்வாகிகள் மற்றும் செயற்குழு உறுப்பினர்கள் தேர்ந்தெடுக்கப்பட்டனர். கூட்டத்தில் சிறப்பு அழைப்பாளராக கலந்து.கொண்ட தமிழ்நாடு வணிகர் சங்கங்களின் பேரமைப்பின் நாமக்கல் மாவட்ட தலைவர் ஜெயகுமார் வெள்ளையன் புதிய நிர்வாகிகளுக்கு பொன்னாடை அணிவித்து வாழ்த்து தெரிவித்து சிறப்புரையாற்றினார்.