பணி ஓய்வு பெறும் நாளில் கல்வி அலுவலர் சஸ்பெண்ட்

தஞ்சாவூர் மாவட்டம், பட்டுக்கோட்டை கல்வி மாவட்ட தொடக்க கல்வி அலுவலர் கு.திராவிடச்செல்வம் 60) பணி ஓய்வு பெற இருந்த நிலையில் வெள்ளிக்கிழமை பணியிடை நீக்கம் செய்து பள்ளிக் கல்வித்துறை இயக்குநர் நடவடிக்கை எடுத்துள்ளார். புதுக்கோட்டை மாவட்டம் மிரட்டுநிலை அரசு உயர்நிலை பள்ளியின்  தலைமையாசிரியராக பணியில் சேர்ந்து, பின்னர் தஞ்சாவூர் மாவட்டம் பட்டுக்கோட்டை கல்வி மாவட்ட தொடக்கக் கல்வி அலுவலராக பணியாற்றி வந்தார். இந்நிலையில் கடந்த நான்கு ஆண்டுகளுக்கு முன்னர் ஒழுங்கீன நடவடிக்கையில் ஈடுப்பட்டதாக கல்வித்துறையின் உயர் அதிகாரிகளுக்கு புகார் சென்றது. இந்த புகார் நிலுவையில் உள்ள நிலையில், வெள்ளிக்கிழமை கு.திராவிடச்செல்வம் பணி ஓய்வு பெற இருந்தார். இதையடுத்து தமிழ்நாடு பள்ளிக் கல்வித்துறையின் இயக்குநர் திராவிடச்செல்வனை பணியிடை நீக்கம் செய்து, அதற்கான அறிவிப்பினை தஞ்சாவூர் மாவட்ட முதன்மை கல்வி அலுவலர் மூலம் வழங்கப்பட்டது.