விடுமுறை தினத்தால் பேருந்து நிலையத்தில் குவிந்த பொதுமக்கள்

நாமக்கல் மாவட்டம் பள்ளிபாளையத்தில் ஏராளமான விசைத்தறிக்கூடங்கள் செயல்பட்டு வருகிறது.. இந்நிலையில் நேற்று செவ்வாய்க்கிழமை மாதாந்திர மின் பராமரிப்பு பணிகளுக்காக, மின்சாரம் துண்டிக்கப்பட்டதாலும் ,அமாவாசை தினம் என்பதாலும், விசைத்தறிக்கூடங்களுக்கு முழுமையாக விடுமுறை விடப்பட்டிருந்தது.. இந்நிலையில் திருச்செங்கோடு, குமாரபாளையம், அருகில் உள்ள பவானி உள்ளிட்ட புனித ஸ்தலங்களுக்கு செல்வதற்காக ஏராளமான விசைத்தறி தொழிலாளர்கள் மற்றும் பொதுமக்கள் பேருந்து நிலையத்திற்கு வருகை தந்ததால் வழக்கத்தை காட்டிலும் நேற்று பேருந்து நிலைய பகுதியில் அதிக அளவு பயணிகள் இருப்பதை காண முடிந்தது.. மகளிர் இலவசமாக பயணம் செய்யும் அரசு பேருந்தில் வழக்கத்தை காட்டிலும் அதிகளவு மகளிர் கூட்டம் இருந்தது..