சாரணார்பட்டியில் சுத்திகரிப்பு குடிநீர் நிலையம் அமைக்க கோரிக்கை

திண்டுக்கல் மாவட்டம் சாணார்பட்டியில் சுத்திகரிப்பு குடிநீர் நிலையம் அமைக்க பொதுமக்கள் கோரிக்கை விடுத்துள்ளனர். திண்டுக்கல் மாவட்டம் சாணார்பட்டி ஒன்றியத்தில் கன்னியாபுரம், கொசவபட்டி ஆகிய பகுதிகளில் சுத்திகரிப்பு குடிநீர் நிலையம் அமைந்துள்ளது.

இங்கு ஒரு குடம் ரூ 2 க்கு விற்பனை செய்யப்படுகிறது. இதனால் அந்த பகுதியில் உள்ள மக்கள் பயனடைந்து வருகின்றனர்.இந்த நிலையில் சாணார்பட்டியில் சுத்திகரிப்பு குடிநீர் நிலையம் இல்லாததால் குடிநீருக்காக சுமார் 3 கிலோ மீட்டர் கடந்து கன்னியாபுரம் செல்லும் சூழ்நிலை உள்ளது.

இதனால் குடிநீர் கேன் ரூ 30 க்கு வாங்கி பொதுமக்கள் குடிநீரை பயன்படுத்தி வருகின்றனர்.