இழப்பீடு வழங்க கோரி சாலை மறியல்

பழனியை அடுத்த புஷ்பத்தூர் தேசிய நெடுஞ்சாலையில் புதன்கிழமை இரு லாரிகள் மோதிக்கொண்டது. விபத்தில் குமரலிங்கத்தை சேர்ந்த தங்கவேல் உயிரிழந்தார். 8 பேர் காயமடைந்தனர். இதுகுறித்து சாமிநாதபுரம் போலீசார் வழக்குப்பதிவு செய்து விசாரணை நடத்தி வருகின்றனர். மேலும் விபத்தில் இறந்த தங்கவேலின் உறவினர்கள் நேற்று பழனி அரசு மருத்துவமனை முன் இழப்பீடு வழங்க கோரி சாலையில் அமர்ந்து மறியலில் ஈடுபட்டனர்.