வீட்டு பூட்டை உடைத்து நகை பணம் கொள்ளை

திருக்கோவிலுார் அடுத்த நெடுங்கம்பட்டு கிராமத்தைச் சேர்ந்தவர் செல்வராஜ், 52; ஆசிரியர். இவர் நேற்று காலை வயலுக்கு சென்ற நிலையில், அவரது மனைவி பெட்டிசியா வீட்டை பூட்டிக் கொண்டு கோவிலுக்குச் சென்றார். 9:30 மணியளவில் இருவரும் வீட்டிற்கு வந்து பார்த்தபோது, கதவின் பூட்டு உடைக்கப்பட்டு பீரோவில் இருந்த ஐந்தரை சவரன் நகை மற்றும் 8,500 ரூபாய் கொள்ளை போனது தெரியவந்தது. செல்வராஜ் கொடுத்த புகாரின் பேரில் மணலுார்பேட்டை போலீசார் வழக்குப்பதிந்து மர்ம நபர்களை தேடி வருகின்றனர்.