கொள்ளையடிக்க திட்டம் - 5 பேர் கைது

வாணாபுரம் அடுத்த மையனுாரைச் சேர்ந்தவர் அந்தோணி சூசைராஜ், 46; இவர் பைக்கில், மையனுாருக்கு சென்றார். அவரைத் தொடர்ந்து உறவினர்கள் வந்ததால், அவர்களுக்காக சிங்காரதோப்பு பிரிவுசாலையோரம் காத்திருந்தார். அப்போது, அங்கு காரில் வந்த 5 பேர், அந்தோணி சூசைராஜை மிரட்டி, தாக்க முயன்றனர். அதற்குள் அந்தோணி சூசைராஜ் உறவினர்கள் வந்ததும் 5 பேரும் காரில் தப்ப முயன்றனர். அவர்களை மடக்கிப் பிடித்து பகண்டைகூட்ரோடு போலீசில் ஒப்படைத்தனர்.

விசாரணையில், அகரகோட்டாலம் பழனிசாமி மகன் அஜித்குமார், 23; கூவாகம் கோபால் மகன் ஆனந்தராஜ், 29; குப்பன் மகன் திருமலை, 21; செல்வராஜ் மகன் ஜெயபிரதாப், 23; கூத்தான் மகன் அய்யப்பன், 21; என்பதும், அப்பகுதியில் கொள்ளையடிக்க திட்டமிட்டதும் தெரிந்தது. இதனையடுத்து 5 பேரையும் பகண்டைகூட்ரோடு போலீசார் கைது செய்து, காரை பறிமுதல் செய்தனர்.