ரோலர் ஸ்கேட்டிங் ஹாக்கி - தமிழக அணிக்கு 4 வது இடம்

சண்டிகரில் நடந்த தேசிய 61வது ரோலர் ஸ்கேட்டிங் ஹாக்கி போட்டியில் தமிழக அணி நான்காவது இடம் பிடித்தது. சண்டிகரில் தேசிய அளவிலான 61வது ரோலர் ஸ்கேட்டிங் ஹாக்கி போட்டி நடைபெற்று வருகிறது. தேசிய இன்லைன் ஸ்கேட்டிங் ஹாக்கி போட்டியில் வயது 9 முதல் 11க்கு உட்பட்டோர் பிரிவுக்கு தமிழக அணி சார்பில் விளையாட மதுரை, கோவை, கூடலூர், திருப்பூர், சிவகங்கை மாவட்டங்களைச் சேர்ந்த 12 வீரர்கள் தேர்வாகினர். தமிழக அணி கேப்டனாக சிவகங்கை அருகே கீழப்பூங்குடியே சேர்ந்த சந்தீப்குமார் தலைமையில் நடந்த போட்டியில் தமிழக அணி 4:2 என்ற கோல் கணக்கில் ஹரியானா அணியிடம் தோற்று, நான்காவது இடம் பிடித்தது.