சேலம் குகையில் பேருந்தில் பயணித்த மூதாட்டி கழுத்தில் இருந்த நகை மாயம்
சேலம் குகையில் பேருந்தில் பயணித்த மூதாட்டி கழுத்தில் இருந்த நகை மாயமனது குறித்து போலீசார் விசாரணை மேற்கொண்டு வருகிறார்கள்.
By : King 24X7 News (B)
Update: 2024-03-10 11:15 GMT
கோப்பு படம்
சேலம் நெத்திமேடு கே.பி.கரடு பகுதியை சேர்ந்தவர் ராஜி. இவரது மனைவி அலமேலு (60). இவர் நேற்று முன்தினம் குகை பிரபாத் தியேட்டர் பகுதியில் அரசு பஸ்சில் சென்று கொண்டிருந்தார். அப்போது கழுத்தில் அணிந்திருந்த 5 பவுன் நகை மாயமானது.
இதனால் அதிர்ச்சி அடைந்த அவர் கதறினார். சம்பவம் குறித்து செவ்வாய்ப்பேட்டை போலீசில் அவர் புகார் கொடுத்தார். அதன் பேரில் போலீசார் விசாரணை நடத்தி வருகிறார்கள்.