விவசாயி வீட்டில் 9 பவுன் நகை திருட்டு

பெரம்பலூர் மாவட்டம், ஆலத்தூர் தாலுகா, செட்டிகுளம். தெற்கு தெருவை சேர்ந்தவர் துரைராஜ் (வயது 70), விவசாயி. இவர் நேற்று முன்தினம் தனது வயலில் சின்ன வெங்காயத் திற்கு மருந்து தெளிக்க வீட்டை பூட்டி விட்டு மனைவியுடன் சென்றிருந்தார். பின்னர் அவர் வந்து பார்த்த போது வீட்டின் பூட்டு உடைக்கப்பட்டிருந்தது. வீட்டின் உள்ளே சென்று பார்த்த போது பீரோவும் உடைக்கப்பட்டு, அதில் இருந்த 9 பவுன் நகைகள் திருட்டு போயிருந்தது. இந்த சம்பவம் குறித்து தகவல் அறிந்த பாடாலூர் போலீசார் சம்பவ இடத்துக்கு விரைந்து சென்று விசாரணை நடத்தினர். மேலும் போலீஸ் மோப்ப நாய் வரவழைக்கப்பட்டது. பின்னர் அந்த நாய் சிறிது தூரம் ஓடி சென்றது. ஆனால் யாரையும் கவ்வி பிடிக்க வில்லை. இதற்கிடையே கைரேகை நிபுணர்கள் வந்து தடயங் களை சேகரித்து சென்றனர். இந்த சம்பவம் தொடர்பாக போலீசார் வழக்குப்பதிவு செய்து மர்ம ஆசாமிகளை வலை வீசி தேடி வருகின்றனர்.