மோடியோடு ஒப்பிடக்கூடிய தலைவர்கள் இந்தியாவில் இல்லை -ஏ சி சண்முகம்

திருவண்ணாமலையில் புதிய நீதிக்கட்சி தலைவர் ஏ.சி.சண்முகம் செய்தியாளர்களை சந்தித்தார். அப்போது அவர் அளித்த பேட்டி: தமிழகத்தில் கொஞ்ச நாளாகவே, சட்டம் -- ஒழுங்கில் நிறைய பிரச்னை உள்ளது; கொலைகள் அதிகமாகி விட்டன. இப்போது தைரியமாக கவர்னர் மாளிகை வரைக்கும் வந்து பெட்ரோல் குண்டு வீசும் அளவிற்கு துணிச்சல் வருகிறது. இதையெல்லாம் அடக்க, ஒடுக்க வேண்டும். வரும் லோக்சபா தேர்தலில், இந்திய நாட்டை ஆளக் கூடியவர் யார் என்ற கேள்வி தான் மையப்படுத்தப்படுகிறது. பாரத பிரதமராக தேசிய ஜனநாயக கூட்டணியில், மோடியை ஏகமனதாக தேர்ந்தெடுத்திருக்கிறோம். மோடியோடு ஒப்பிடக்கூடிய தலைவர்கள் இந்தியாவில் இல்லை. ஏனென்றால், உலக அரங்கிலே நம் நாட்டை மேலே கொண்டு வந்தவர், மோடி. இன்று, இந்தியா வல்லரசாக மாறிக் கொண்டிருக்கிறது. மூன்றாவது முறையாக பாரத பிரதமராக மோடி தேர்ந்தெடுக்கும் போது, இந்தியாவின் நிலைமையே உயர்ந்து நிற்கும். உலகத் தலைவர்களில் ஒருவராக மோடி இருக்கிறார்' என்றார்.