திருவாரூர் அருகே புகையிலை விற்பனை செய்தவர் கைது

திருவாரூர் மாவட்ட காவல் கண்காணிப்பாளர் ஜெயக்குமார் உத்தரவின்படி, குட்கா மற்றும் தடை செய்யப்பட்ட புகையிலை பொருட்கள் விற்பனை மற்றும் கடத்துபவர்கள் மீது சட்டப்படி நடவடிக்கை எடுக்க தனிப்படை அமைக்கப்பட்டுள்ளது.

அதன்படி கோட்டூர் காவல் சரகம் காசங்குளம் கடை தெருவில் இருசக்கர வாகனத்தில் சுமார் 13 கிலோ எடையுள்ள தடை செய்யப்பட்ட புகையிலை பொருட்களை எடுத்து வந்த வடபாதிமங்கலம் காவல்சரகம் செருவாமணியை சேர்ந்த முருகானந்தம் என்பவரின் மகன் அஜித் என்பவர் கைது செய்யப்பட்டுள்ளார்.

மேலும் அவரிடம் இருந்து புகையிலை பொருட்கள் மற்றும் இரு சக்கர வாகனம் பறிமுதல். மேலும் சட்ட விரோத செயல்களுக்கு எதிரான சிறப்பு வேட்டை மாவட்டத்தில் தொடர்ந்து நடைபெறும் என மாவட்ட காவல் கண்காணிப்பாளர் எச்சரிக்கை விடுத்துள்ளார்.