விலை உயர்ந்த பரிசுடன் உங்களை வந்து சந்திக்கிறேன்: ஏ.சி.சண்முகம்

வேலூர் பாராளுமன்ற தொகுதியில் தேசிய ஜனநாயக கூட்டணி சார்பாக போட்டியிடும் பாஜக வேட்பாளர் ஏ.சி சண்முகம் குடியாத்தம் அடுத்த பிச்சனூர்பேட்டை, காந்திநகர், அம்மானாங்குப்பம்,கீழ்ஆலத்தூர் உள்ளிட்ட பகுதிகளில் தீவிரவாக்கு சேகரிப்பில் ஈடுபட்டார்.

அப்பொழுது காந்தி நகர் பகுதியில் பிரச்சாரத்தின் போது ஏ.சி.சண்முகம் பேசுகையில்," அரசாங்கம் செய்யாததை தனி மனிதனாக 14 ஆயிரத்து 500 பேருக்கு வேலைவாய்ப்பை உருவாக்கிக் கொடுத்துள்ளேன்.

நான் வெற்றிப் பெற்றால் 6 தொகுதிகளும் இலவச திருமண மண்டபம் கட்டித் தருவேன். ஆண்டுக்கு 750 மாணவர்களுக்கு இலவச இன்ஜினியரிங் சீட்டு வழங்குவேன்.ஏற்கனவே 1200 மாணவர்களுக்கு இலவச சீட் வழங்கியுள்ளேன்.

ஆகவே என்னை வெற்றி பெற செய்யுங்கள். அமைச்சராக பொறுப்பெற்று விலைவுயர்ந்த பரிசுடன் உங்களை வந்து சந்திக்கிறேன்,"என்று கூறினார்.