சோழிங்கநல்லூர் பகுதியில் வாக்கு சேகரித்த தமிழச்சி தங்கபாண்டியன்

சென்னை, சோழிங்கநல்லூர் பெரும்பாக்கம் முதல் நிலை ஊராட்சி பகுதியில் 16-வது நாளாக திமுக தென் சென்னை வேட்பாளர் தமிழச்சி தங்கபாண்டியன் பொது மக்களை நேரில் சந்தித்து வாக்கு சேகரிப்பில் ஈடுபட்டார். பெரும்பாக்கம் முதல் நிலை ஊராட்சி பகுதியில் தொடங்கி மேட்டுத்தெரு, காந்தி தெரு, பாரதி வித்யாலயா பள்ளி, நேதாஜி தெரு, ஒட்டியம் பாக்கம், சித்தாலாம்பாக்கம் வழியாக வந்து வேங்கை வாசல் பகுதியில் நிறைவு பெறுகிறது. சோழிங்கநல்லூர் பகுதியில் வாக்கு சேகரிக்க வரும் தமிழச்சி தங்கபாண்டியனுக்கு, திமுக நிர்வாகிகள் சார்பில் மாலை அணிவித்து, வழி நெடுகிலும் மலர் தூவி, ஆரத்தி எடுத்து பிரம்மாண்ட வரவேற்பு அளிக்கப்பட்டது. திமுக கூட்டணியில் இடம் பெற்றிருக்கக் கூடிய அனைத்து அரசியல் கட்சி நிர்வாகிகள் இருசக்கர வாகனங்களில் பேரணியாக சென்று தனது அரசியல் கொடிகளை கட்டிக்கொண்டு வாக்கு சேகரிப்பில் ஈடுபட்டனர்.