விபத்தில் சிக்கிய பயணிகள் ஆட்டோ.

ஆர்.புதுக்கோட்டை அருகே வளைவில், வேகமாக திரும்பும்போது விபத்தில் சிக்கிய பயணிகள் ஆட்டோ. மூன்று பேர் படுகாயம். கரூர் மாவட்டம் கிருஷ்ணராயபுரம் சித்லவாய் மாரியம்மன் கோவில் தெருவை சேர்ந்த திருநாவுக்கரசு வயது 41. ஆட்டோ டிரைவர். இவரது ஆட்டோவில், திருக்காம்புலியூர், பகவதி அம்மன் கோவில் தெருவை சேர்ந்த மாயவன் வயது 73 என்பவரும், அதே பகுதியைச் சேர்ந்த பொன்னம்மாள் வயது 65, ராஜகுமாரி வயது 31 ஆகிய மூவரும் டிசம்பர் 16ஆம் தேதி காலை 9 மணி அளவில் திருச்சி - கரூர் சாலையில் சென்று கொண்டு இருந்தனர். திருநாவுக்கரசு ஓட்டிய ஆட்டோ, ஆர்.புதுக்கோட்டை, வளையல்காரன் புதூர் பிரிவு அருகே வந்தபோது, ஆட்டோவை வளைவில் வேகமாக திருப்ப முயன்றுள்ளார். அப்போது, ஆட்டோவில் இருந்தவர்கள் கீழே சாலையில் விழுந்தனர். இதில் ஆட்டோவில் பயணித்த மூன்று பேருக்கும் பலத்த காயங்கள் ஏற்பட்டதால், மாயவனை கரூர் அரசு மருத்துவக் கல்லூரி மருத்துவமனையிலும், பொன்னமாலை கரூர் நாச்சிமுத்து மருத்துவமனையிலும், ராஜகுமாரியை திருச்சி மாவட்டம், முசிறியில் உள்ள தனியார் மருத்துவமனையிலும் சிகிச்சைக்காக அனுமதித்தனர். இந்த சம்பவம் தொடர்பாக மாயவன் அளித்த புகாரின் பேரில்,சம்பவ இடத்திற்கு சென்று விசாரணை மேற்கொண்ட காவல்துறையினர், ஆட்டோவை வேகமாக ஓட்டி, விபத்து ஏற்படக் காரணமான திருநாவுக்கரசு, சமீது ஆகியோர் மீது மாயனூர் காவல்துறையினர் வழக்கு பதிவு செய்துள்ளனர்.