திமுக பூத்கமிட்டி பொறுப்பாளர் கைது!

கோவை:உக்கடம் கோட்டைமேடு பகுதியை சேர்ந்தவர் அசாருதீன்.திமுகவை சேர்ந்த இவர் பூத்கமிட்டி பொறுப்பாளராக இருந்து வருகின்றார்.இவருக்கும் அதே பகுதியை சேர்ந்த திருமணமாகி கணவரை பிரிந்து வாழ்ந்து வந்த 28 வயது இளம் பெண்ணிற்கும் முறையற்ற தொடர்பு இருந்து வந்துள்ளது. இதன் காரணமாக கர்பமான இளம் பெண்ணை தனக்கு தெரிந்த மருத்துவமனைக்கு அழைத்து சென்று கருகலைப்பும் செய்துள்ளதாக கூறப்படுகின்றது. இந்நிலையில் கருத்து வேறுபாடு காரணமாக பிரிந்து இருந்த இளம் பெண்ணின் கணவர் மீண்டும் சமரசமாகி ஓரே வீட்டில் சேர்ந்து வாழ்ந்துள்ளனர்.இந்நிலையில் இளம் பெண்ணுடன் நெருக்கமாக இருந்த சமயம் எடுத்துக்கொண்ட வீடியோ மற்றும் செல்போன் உரையாடல்களை காட்டி மிரட்டி அசாருதீன் அந்த இளம்பெண்ணை மீண்டும் பாலியல் ரீதியாக பயன்படுத்தி வந்துள்ளார்.இரண்டாவது முறையாக மீண்டும் இளம்பெண் கர்பமான நிலையில் ஏற்கனவே கருகலைப்பு செய்த அதே மருத்துவமனைக்கு அழைத்து சென்று இளம் பெண்ணிற்கு கருக்கலைப்பு செய்துள்ளார்.இதை அறிந்த அந்த இளம் பெண்ணின் கணவர் அப்பெண்ணை விட்டு மீண்டும் பிரிந்து சென்றுவிட்டார். இந்த நிலையில் அசாரூதீன் தன்னை திருமணம் செய்வதாக அசை வார்த்தை கூறி ஏமாற்றியதுடன் தனிமையில் இருந்த போது எடுத்த வீடியோகளை காட்டி மிரட்டியும் பாலியல் ரீதியாக துன்புறுத்தி வரும் அசாருதீன் மீது நடவடிக்கை எடுக்க வேண்டும் என கூறி பாதிக்கப்பட்ட பெண் உக்கடம் காவல் நிலையத்தில் புகார் அளித்தார். இதனையடுத்து அசாருதீனை கைது செய்த உக்கடம் போலீசார் விசாரணை மேற்கொண்டு வருகின்றனர்.