பெரம்பலூர் பெருமாள் கோவிலில் குத்து விளக்கு பூஜை

பெரம்பலூர் நகரம் ஸ்ரீ மரகதவள்ளி தாயார் சமேத ஸ்ரீமதனகோபால சுவாமி திருக்கோவிலில் நேற்று சர்வ ஏகாதசி மற்றும் வரலட்சுமி நோன்பை முன்னிட்டு ஸ்ரீ மரகதவல்லி தாயார் அலங்கரிக்கப்பட்டு தாயார் முன்பாக குத்து விளக்கு பூஜை நடைபெற்றது. இதில் திரளான பெண்கள் கலந்து கொண்டு குத்துவிளக்கு பூஜை செய்தனர். பூஜைகளை தாயார் சன்னதி பட்டாச்சாரியார் சக்கரவர்த்தி நடத்தி வைத்தார். நிகழ்வில் செயல் அலுவலர் கோவிந்தராஜன் முன்னாள் அறங்காவலர் வைத்தீஸ்வரன் மகளிர் அணி உறுப்பினர்கள் இளவரசி கவிதா உள்ளிட்டோர் கலந்து கொண்டனர். இதற்கான ஏற்பாடுகளை பெரம்பலூர் நகர ஆன்மீக மகளிர் அணியினர் செய்திருந்தனர்