கடைகளுக்குள் புகுந்த மழைநீர் - வியாபாரிகள் சாலை மறியல்

பெரம்பலூர் நகர பகுதிகளில் நேற்று திடீரென பலத்த மழை வெளுத்துவாங்கியது.இதனால் பல்வேறு இடங்களில் கடை மற்றும் வீடுகளில் வெள்ள நீர் புகுந்தது. கழிவுநீருடன் மழைநீர் சாலைகள் மற்றும் கடை வீடுகளில் புகுந்ததால் வியாபாரிகள் பாலக்கரை பகுதியில் சாலை மறியலில் ஈடுபட்டனர். இதனால் நீண்ட தொலைவிற்கு வாகனங்கள் அணிவகுத்து நின்றன பின்னர் காவல்துறை நகராட்சி நிர்வாகத்தினர் சம்மந்தப்பட்ட இடத்திற்கு வந்து பேச்சுவார்த்தை நடத்தியதை அடுத்து சாலை மறியல் கைவிடப்பட்டது. உடனடியாக நகராட்சி நிர்வாகம் மழை நீரை அகற்றி தர வேண்டும் என்று வியாபாரிகள் கோரிக்கை வைத்தனர்.