பாலியல் குற்றச்சாட்டில் தொடர்புடைய நபர் மீது குண்டாஸ் சட்டம் பாய்ந்தது.

பாலியல் குற்றச்சாட்டில் தொடர்புடைய நபர் மீது குண்டாஸ் சட்டம் பாய்ந்தது. கரூர் அனைத்து மகளிர் காவல் நிலையத்தில் பதிவான பாலியல் குற்றச்சாட்டு தொடர்பான வழக்கில் கைதி மீது குண்டர் தடுப்பு காவல் சட்டம் பாய்ந்தது. கைது செய்யப்பட்ட முருகானந்தம் வயது 45 என்பவர் மீது, கரூர் மாவட்ட காவல் கண்காணிப்பாளர் பரிந்துரை செய்ததின் பெயரிலும், மாவட்ட ஆட்சியர் அறிவித்த உத்தரவின் படியும் பாலியல் குற்றவாளி முருகானந்தம் மீது குண்டர் தடுப்பு காவல் சட்டத்தின் கீழ் கைது செய்யப்பட்டு திருச்சி மத்திய சிறையில் அடைக்கப்பட்டார். இது தொடர்பாக மாவட்ட காவல் கண்காணிப்பாளர் பெரோஸ் கான் அப்துல்லா தெரிவித்துள்ள செய்தி குறிப்பில், கரூர் மாவட்ட அனைத்து மகளிர் காவல் நிலையத்தில் ஆகஸ்ட் 2 ஆம் தேதி பதிவான பாலியல் குற்றச்சாட்டு வழக்கில் முருகானந்தம் வயது 45 என்பவர் கைது செய்யப்பட்டு சிறையில் அடைக்கப்பட்டார். இந்த வழக்கில் சிறப்பாக புலன் விசாரணை செய்து எதிரியை குண்டர் தடுப்பு சட்டத்தில் அடைத்த கரூர் காவல்துணை கண்காணிப்பாளர், காவல் ஆய்வாளர் ஆகியோருக்கு மாவட்ட காவல் கண்காணிப்பாளர் பாராட்டு தெரிவித்தார். மேலும், மாவட்டத்தில் பெண்கள் மற்றும் பெண் குழந்தைகளுக்கு பாலியல் தொல்லை தரும் நபர்கள் மீது கடுமையான நடவடிக்கை எடுத்து குண்டர் தடுப்பு காவல் சட்டத்தின் கீழ் தண்டிக்கப்படுவார்கள் என மாவட்ட காவல் கண்காணிப்பாளர் பெரோஸ் கான் அப்துல்லா எச்சரிக்கை செய்துள்ளார். மேலும், பாலியல் துன்புறுத்தலுக்கு ஆளாகும் பெண் குழந்தைகள் மற்றும் குழந்தைகளுக்கு எதிரான அனைத்து குற்றங்களும் குறித்தும்,மாவட்ட குழந்தைகள் நல பாதுகாப்பு மைய எண் 1098 அல்லது கரூர் மாவட்ட காவல் கண்காணிப்பாளர் அலுவலக எண் 94981 00780 என்ற எண்ணில் தொடர்பு கொண்டு பாதிக்கப்பட்ட பெண் குழந்தைகள் மற்றும் பொதுமக்கள் தங்களது புகாரை தெரிவிக்கலாம் என தெரிவித்துள்ளார். மேலும், பெற்றோர்கள் தங்களது குழந்தைகளுக்கு குட் டச் மற்றும் பேட் டச் பற்றி தெளிவாக எடுத்துரைக்கவும், குழந்தைகள் செல்போனில் அதிக நேரம் செலவிடுவதை தவிர்க்கவும், பெண் குழந்தைகள் எப்படி பாதுகாப்பாக இருக்க வேண்டும் என்பது குறித்தும் பெற்றோர்கள் எடுத்துரைக்க வேண்டும் எனவும் தெரிவித்துள்ளார்.