முத்துரெங்கம்பட்டியில் நடமாடும் கால்நடை மருத்துவ ஊர்தி செயல்பாட்டினை கள ஆய்வு செய்தார் எம் எல் ஏ சிவகாமசுந்தரி.

முத்துரெங்கம்பட்டியில் நடமாடும் கால்நடை மருத்துவ ஊர்தி செயல்பாட்டினை கள ஆய்வு செய்தார் எம் எல் ஏ சிவகாமசுந்தரி. கரூர் மாவட்டம், கிருஷ்ணராயபுரம் ஊராட்சி ஒன்றியத்திற்கு உட்பட்ட முத்துரெங்கம் பட்டியில், தமிழக அரசின் கால்நடை பராமரிப்புத்துறை, கரூர் மாவட்டம், குளித்தலை கோட்டத்துக்கு உட்பட்ட நடமாடும் கால்நடை மருத்துவ ஊர்தி இன்று மருத்துவ முகாம் அமைத்து கால்நடைகளுக்கு சிகிச்சை அளித்தனர். இந்த முகாமை கிருஷ்ணராயபுரம் சட்டமன்ற உறுப்பினர் சிவகாமசுந்தரி நேரில் சென்று கள ஆய்வு மேற்கொண்டார். அப்போது ஆடு, மாடுகளுக்கு தடுப்பூசியும், தேவைப்படும் கால்நடைகளுக்கு சினை ஊசியும் மருத்துவர்கள் செலுத்தி சிகிச்சை மேற்கொண்டனர். இந்த நிகழ்ச்சியில் கிருஷ்ணராயபுரம் மேற்கு ஒன்றிய செயலாளர் கட்டளை ரவி ராஜா, கடவூர் வடக்கு ஒன்றிய செயலாளர் ராமலிங்கம், முத்துரெங்கம்பட்டி ஊராட்சி மன்ற தலைவர் மாரிமுத்து, முன்னாள் ஊராட்சி மன்ற தலைவர் மகேஸ்வரன் உள்ளிட்ட கிராம மக்கள், விவசாயிகள் என ஏராளமானோர் கலந்து கொண்டு, தங்களது கால்நடைகளுக்கு தேவையான சிகிச்சை மேற்கொண்டனர்.