திசையன்விளையில் ஆடுகள் மர்ம இறப்பு

திருநெல்வேலி மாவட்டம் திசையன்விளை அருகே உள்ள யாதவர் தெருவை சேர்ந்த முருகன் ஆடுகளை வளர்த்து பராமரித்து வருகிறார். இந்நிலையில் நேற்று மதியம் அவரது மகன் குமார் காரம்பாடு ஓடையில் மேய்ச்சலுக்கு ஆடுகளை கொண்டு சென்றுள்ளார். அப்போது 20க்கும் மேற்பட்ட ஆடுகள் ஒவ்வொன்றாக மயங்கி விழுந்து ஆசனவாய் பகுதியில் இரத்தம் கசிந்த நிலையில் பரிதாபமாக உயிரிழந்தது. இறந்த ஆடுகளின் மதிப்பு 2 லட்சம் ஆகும். இவ்வாறு மர்மமான முறையில் உயிரிழந்த ஆடுகள் குறித்து திசையன்விளை போலீசார் விசாரணை நடத்தி வருகின்றனர்.