கிணற்றில் தவறி விழுந்த பெண் உயிரிழப்பு

திண்டுக்கல் மாவட்டம், ஒட்டன்சத்திரம் அருகேயுள்ள சிக்கமநாயக்கன்பட்டி ஊராட்சிக்கு உள்பட்ட கப்பல்பட்டியில் நாச்சிமுத்து என்பவரது தோட்டத்தில் ஈரோடு மாவட்டம், கோபி வட்டம், ஒடத்துறையைச் சோ்ந்த ராம்குட்டி உள்ளிட்ட 5-க்கும் மேற்பட்டோா் குடும்பத்துடன் தங்கி கிணறு வெட்டும் பணியில் ஈடுபட்டுள்ளனா். ராம்குட்டியின் மனைவி பூங்கொடி (35) கிணறு வெட்டும் பணியை எட்டிப்பாா்த்தபோது கால் தடுமாறி கிணற்றில் விழுந்ததில் பலத்த காயம் அடைந்து சம்பவ இடத்திலேயே உயிரிழந்தாா். இது குறித்து கள்ளிமந்தையம் போலீஸாா் வழக்குப்பதிவு செய்து விசாரணை நடத்தி வருகின்றனா்.