கரூரில், காங்கிரஸ் கட்சி வெற்றி பெற்றதை முன்னிட்டு பட்டாசு வெடித்து, இனிப்புகள் வழங்கி காங்கிரஸ் கட்சியினர் கொண்டாட்டம்.

கரூரில், காங்கிரஸ் கட்சி வெற்றி பெற்றதை முன்னிட்டு பட்டாசு வெடித்து, இனிப்புகள் வழங்கி காங்கிரஸ் கட்சியினர் கொண்டாட்டம். கேரள மாநிலம், வயநாடு பாராளுமன்ற தொகுதியில் நடைபெற்ற இடைத் தேர்தலில் காங்கிரஸ் கட்சி சார்பில் போட்டியிட்ட பிரியங்கா காந்தி முன்னிலை பெற்று வெற்றி அடைய உள்ள நிலையில் இருப்பதை முன்னிட்டும், ஜார்கண்ட் மாநிலத்தில் நடைபெறும் சட்டமன்ற தேர்தலில் காங்கிரஸ் கூட்டணி வெற்றி பெறுவதை முன்னிட்டும், சற்று முன் காங்கிரஸ் கட்சியின் கரூர் வடக்கு நகர தலைவரும்,கரூர் மாநகராட்சி உறுப்பினருமான ஸ்டீபன் ராஜ் தலைமையில் கரூர் பேருந்து நிலைய ரவுண்டானா அருகே பட்டாசு வெடித்து இனிப்புகள் வழங்கி கொண்டாடினர். அப்போது ராகுல் காந்தியை வாழ்த்தியும், காங்கிரஸ் கட்சி வெற்றி பெற உழைத்த அனைவருக்கும் நன்றி தெரிவித்தும் கோஷங்கள் எழுப்பினர். இந்த நிகழ்ச்சியில் கட்சியின் மாநகர தலைவர் வெங்கடேஷ், மாமன்ற உறுப்பினர் மஞ்சுளா பெரியசாமி, முன்னாள் நகர் மன்ற உறுப்பினர் பெரியசாமி, நகர தலைவர் கண்ணப்பன், கிழக்கு நகர தலைவர் சண்முகம் உள்ளிட்ட கட்சியின் முக்கிய நிர்வாகிகள் கலந்து கொண்டு காங்கிரஸ் கட்சி வெற்றி கொண்டாட்டத்தில் பங்கேற்று சிறப்பித்தனர்.