திமுக இளைஞரணி செயலாளரும், தமிழ்நாடு துணை முதலமைச்சருமான உதயநிதி ஸ்டாலின் பிறந்த நாள்

திமுக இளைஞரணி செயலாளரும், தமிழ்நாடு துணை முதலமைச்சருமான உதயநிதி ஸ்டாலின் பிறந்த நாள் நேற்று முன் தினம் தமிழ்நாடு முழுவதும் கொண்டாடப்பட்டது. இந்நிலையில் நேற்று வெண்ணந்தூர் ஒன்றியத்துக்கு உட்பட்ட மின்னக்கல் ஊராட்சியில் 13 தூய்மை பணியாளருக்கு மளிகை பொருட்கள் மற்றும் அலவாய்பட்டி ஊராட்சியில் உள்ள வெள்ளைப் பிள்ளையார் கோவில் ஊராட்சி ஒன்றிய துவக்கப் பள்ளியில் 192 பள்ளி மாணவ மாணவியருக்கு எழுது பொருள்கள் வழங்கும் நிகழ்ச்சி ஒன்றிய திமுக செயலாளரும், ஒன்றியக்குழு உறுப்பினருமான துரைசாமி தலைமையில் நடைபெற்றது. நிகழ்ச்சியில், ஒன்றிய திமுக அவைத்தலைவர் கைலாசம், ஒன்றிய கழகப் பொருளாளர் பாலசுப்பிரமணியம், மாவட்ட அமைப்பு சாரா ஓட்டுநர் அணி துணை அமைப்பாளர் சண்முகசுந்தரம், மாவட்ட விளையாட்டு மேம்பாட்டு அணி துணை அமைப்பாளர் பிரபு, தகவல் தொழில்நுட்ப அணி தொகுதி அமைப்பாளர் ரவீந்தர், திமுக கிளை செயலாளர்கள் மதியம்பட்டி மோகன், டேவிட், நாச்சிபட்டி கிருஷ்ணமூர்த்தி, மின்னக்கல் கோவிந்தராஜு, அலவாய்ப்பட்டி முனுசாமி, சிதம்பரம், மாரியப்பன், அசோக், வேலு, மணி, அருள், சசி, அத்தனூர் அருண்குமார், சஞ்சய் மற்றும் அலவாய்ப்பட்டி, சரவணகுமார் உள்ளிட்ட நிர்வாகிகள் கலந்து கொண்டனர்.