ஆங்கில புத்தாண்டை முன்னிட்டு கோவில்களில் சிறப்பு பூஜை

தர்மபுரி குமாரசாமிபேட்டை பகுதியில் அமைந்துள்ள சிவசக்தி விநாயகர் ஆலயத்தில் புத்தாண்டு முன்னிட்டு சிவசக்தி விநாயகருக்கு 12 வகையான பொருட்களைக் கொண்டு பால் தயிர் இளநீர் பன்னீர் தேன் சந்தனம் விபூதி பஞ்சாமிர்தம் போன்ற பொருட்களைக் கொண்டு அபிஷேகங்கள் நடைபெற்று அதைத்தொடர்ந்து சிவசித்தி விநாயகருக்கு வெள்ளிக்கவசம் அணிந்து பக்தர்களுக்கு காட்சி அளித்தார் புத்தாண்டு பிறப்பையொட்டி கோவில்களில் சிறப்பு வழிபாடு திரளான பக்தர்கள் சாமி தரிசனம் செய்தனர்.புத்தாண்டு பிறப்பையொட்டி தர்மபுரி பகுதியில் உள்ள அனைத்து கோவில்களில் சிறப்பு வழிபாடு நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். மேலும் தர்மபுரி பகுதியில் உள்ள அனைத்து கோவில்களிலும் 2024 ஆங்கில புத்தாண்டு பிறப்பையொட்டி அதிகாலை முதல் இரவு வரை பல்வேறு சிறப்பு வழிபாடுகள் நடைபெற்றது. இதில் அந்தந்த பகுதியை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு ஆங்காங்கே பல்வேறு அமைப்புகளின் சார்பில் சிறப்பு பிரசாதம் வழங்கப்பட்டது. மேலும் பிரசித்தி பெற்ற குமாரசாமிப்பேட்டை சிவசுப்பிரமணியசாமி கோவிலில் அதிகாலை சாமிக்கு சிறப்பு அபிஷேக ஆராதனை மற்றும் வழிபாடுகள் நடைபெற்றது. இதைத் தொடர்ந்து சாமிக்கு தங்கக் கவசம் சாற்றுதலும், மகா தீபாராதனையும் நடைபெற்றது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு பாரிமுனை நண்பர்கள் மற்றும் வாரியார் அன்னதான அறக்கட்டளை சார்பில் சிறப்பு பிரசாதம் வழங்கப்பட்டது. இதேபோல் தர்மபுரி எஸ்.வி ரோடு சாலை விநாயகர் கோவிலில் சாமிக்கு சிறப்பு அபிஷேக ஆராதனை நடைபெற்றது பின்னர் சாமி வெள்ளிக்கவச அலங்காரத்தில் பக்தர்களுக்கு அருள் பாலித்தார். இதேபோன்று அருகில் உள்ள ஸ்ரீ அபய ஆஞ்சநேயர் சாமி கோவிலில் சாமிக்கு சிறப்பு பூஜைகள் செய்யப்பட்டு அலங்கார சேவை நடைபெற்றது. இதே போல் தர்மபுரி கோட்டை கல்யாண காமாட்சி அம்மன் உடனாகிய மல்லிகார்ஜுன சாமி கோவிலில் அம்மனுக்கு சிறப்பு வழிபாடு நடைபெற்றது. பின்னர் அம்மனுக்கு சிறப்பு அலங்கார சேவையும் மகா தீபாரதனையும் நடைபெற்றது. இதே போல் தர்மபுரி கடைவீதி அம்பிகா பரமேஸ்வரி அம்மன் கோவில், அன்னசாகரம் சிவசுப்பிரமணிய சுவாமி கோவில், எஸ்.வி. ரோடு சுப்பிரமணியசாமி கோவில், மதிகோன்பாளையம் மகாசக்தி மாரியம்மன் கோவில், குப்பா கவுண்டர் தெரு பூவாடைக்காரி அம்மன் கோவில், பாரதிபுரம் விநாயகர் கோவில், ஹரிஹர நாதசாமி கோவில் தெருவில் உள்ள தாச ஆஞ்சநேயர் கோவில் புத்தாண்டு பிறப்பையொட்டி சிறப்பு வழிபாடுகள் நடைபெற்றது.