புத்தாண்டில் நடைபெற்ற முதல் மஞ்சுவிரட்டு இளைஞர்கள் உற்சாகத்துடன் பங்கேற்பு

சிவகங்கை மாவட்டம், மதகு பட்டி அருகே கீழக்கோட்டையில் ஆண்டுதோறும் ஆங்கிலப் புத்தாண்டு தினத்தில் மஞ்சு விரட்டு நடைபெறுவது வழக்கம். அதன்படி நேற்று மஞ்சுவிரட்டு நடைபெற்றது. இதில் சிவகங்கை, திருப்பத்தூர். சிங்கம்புணரி, கல்லல், மதகுபட்டி உள்ளிட்ட பகுதிகளைச் சேர்ந்த 150-க்கும் மேற்பட்ட காளைகள் பங்கேற்றன. இளைஞர்கள் உற்சாகமாக மாடுகளை விரட்டி பிடித்தனர். இதில் சில மாடுகள் பிடிபட்டன. சில மாடுகள் யாரையும் நெருங்க விடாதபடி நின்று விளையாடின. மாடுகள் முட்டியதில் 10-க்கும் மேற்பட்டோர் காயமடைந்தனர்.