திருப்போரூர் கந்தசாமி கோவிலில் செங்கல்பட்டு மாவட்ட ஆட்சியரின் திருமணம்

செங்கல்பட்டு மாவட்ட கலெக்டராக உள்ள அருண்ராஜ், ஓய்வு பெற்ற ஐபிஎஸ் அதிகாரி சமுத்திரபாண்டியனின் மகன் ஆவார். இவருக்கும் மேகநாதன், ஜெயந்தி தம்பதியரின் மகள் மருத்துவர் கவுசிகாவுக்கும் கடந்த இரு மாதங்களுக்கு முன்பு திருமண நிச்சயதார்த்தம் நடைபெற்றது. இதையடுத்து, இன்று காலை 6 மணிக்கு திருப்போரூர் கந்தசுவாமி கோயிலில் மாவட்ட கலெக்டர் அருண்ராஜிக்கும் கவுசிகாவுக்கும் திருமணம் நடைபெற்றது. இதைத் தொடர்ந்து காலை உணவு மாமல்லபுரத்தில் உள்ள தனியார் நட்சத்திர ஓட்டலில் வழங்கப்பட்டது. திருமண வரவேற்பு விழா வரும் 14-ம் தேதி மாலை 6 மணிக்கு சென்னை திருவான்மியூரில் நடைபெற உள்ளது. இதில், முதலமைச்சர் மு.க.ஸ்டாலின், துணை முதல்வர் உதயநிதி ஸ்டாலின், அமைச்சர்கள், ஐஏஎஸ், ஐபிஎஸ், அதிகாரிகள் கலந்து கொள்கின்றனர்.