பல்லாங்குழியாக மாறிய சாலை ஆற்பாக்கத்தில் விபத்து அபாயம்

காஞ்சிபுரம் - உத்திரமேரூர் சாலை, ஆற்பாக்கம் மற்றும் சுற்றியுள்ள கிராமங்களில் கல் அரவை ஆலை இயங்கி வருகிறது. இங்கிருந்து ஜல்லி, எம்-.சாண்ட் மணல் ஏற்றிச் சென்ற கனரக வாகனங்களால், ஆற்பாக்கம் நான்கு முனை சந்திப்பில், ஜல்லி கற்கள் பெயர்ந்து பல்லாங்குழி சாலையாக மாறியுள்ளது. இதனால், சாலை வளைவில் திரும்பும்போது, இருசக்கர வாகன ஓட்டிகள் நிலைதடுமாறி விழுந்து விபத்தில் சிக்குகின்றனர். எனவே, ஆற்பாக்கம் நான்கு முனை சந்திப்பில், விபத்தை தவிர்க்கும் வகையில், சேதமடைந்த சாலையை சீரமைக்க நெடுஞ்சாலைத் துறையினர் நடவடிக்கை எடுக்க வேண்டும் என, வாகன ஓட்டிகள் வலியுறுத்தி உள்ளனர்.