கவுந்தப்பாடி ஒழுங்குமுறை விற்பனைக்கூடத்தில் பழனி முருகன் கோவிலுக்கு ரூ.8.14 லட்சத்துக்கு நாட்டு சர்க்கரை ஏலம்

கவுந்தப்பாடி ஒழுங்குமுறை விற்பனைக்கூடத்தில் பழனி முருகன் கோவிலுக்கு ரூ.8.14 லட்சத்துக்கு நாட்டு சர்க்கரை ஏலம் ஈரோடு மாவட்டம் கவுந்தப்பாடி ஒழுங்குமுறை விற்பனைக்கூடத்தில் நாட்டு சர்க்கரை ஏலம் நடைபெற்றது. இதற்கு சுற்றுவட்டார பகுதி களை சேர்ந்த விவசாயிகள் 5 ஆயிரத்து 681 நாட்டு சர்க்கரை மூட்டைகளை விற்பனைக்கு கொண்டு வந்தனர். இதில் 60 கிலோ மூட்டை முதல் தர திடம் ரக நாட்டு சர்க்கரை ரூ.2 ஆயிரத்து 850-க்கு ஏலம் போனது. மீடியம் ரக நாட்டு சர்க்கரை குறைந்தபட்ச விலையாக ரூ.2 ஆயிரத்து 580-க்கும், அதிகபட்சமாக ரூ.2 ஆயிரத்து 630-க்கும் விற்பனையானது. மொத்தம் 3 ஆயிரத்து 135 மூட்டைகளில் உள்ள 1 லட்சத்து 88 ஆயிரத்து 100 கிலோ எடையுள்ள நாட்டு சர்க்கரை ரூ.81 லட்சத்து 64 ஆயிரத்து 370-க்கு விற்பனை செய்யப்பட்டது. இதேபோல் 50 மூட்டைகளில் உள்ள 1,500 கிலோ எடை உருண்டை வெல்லம் ரூ.82 ஆயிரத்து 500-க்கு விற்பனையானது. மொத்தமாக நாட்டு சர்க்கரை, உருண்டை வெல்லம் ரூ.82 லட்சத்து 46 ஆயிரத்து 870-க்கு பழனி தண்டாயுதபாணி சாமி கோவில் நிர்வாகத்தினர் கொள்முதல் செய்ததாக விற்பனைக் கூடத்தின் கண்காணிப்பாளர் தெரிவித்தார்.