கள்ளச்சாராயம் தயாரித்து விற்ற 2 பேர் கைது

கிருஷ்ணகிரி மாவட்டம் போச்சம்பள்ளி அடுத்த மத்தூர் அருகே உள்ள சின்னஆலேரஹள்ளி பகுதியில் மாந்தோப்பில் கள்ளச்சாராயம் விற்பனை செய்து வருவதாக மத்தூர் போலீசாருக்கு ரகசிய தகவல் கிடைத்தது. தகவலின் பேரில் மத்தூர் போலீஸ் இன்ஸ்பெக்டர் பாலமுருகன் தலைமையில் சப்-இன்ஸ்பெக்டர் கௌவுதம், தலைமை‌யிலான போலீஸார் அதிரடி சோதனையில் ஈடுபட்டனர்.

சோதனையில் சின்னஆலேரஅள்ளி பகுதியில் உள்ள மாந்தோப்பு பகுதியில் மத்தூர் அருகே உள்ள மூக்கா கவுண்டனூர் பகுதியைச் சேர்ந்த சக்திவேல் 36. அதே பகுதியை சேர்ந்த கிருஷ்ணன் (44) ஆகிய 2 பேரும் சுமார் 150 லிட்டருக்கும் மேற்பட்ட சாராய ஊறலை பதுக்கி வைத்து இருந்தது தெரியவந்தது. உடனே மத்தூர் போலீசார் 2 பேரையும் கைது செய்து அவர்கள் வீட்டில் பதுக்கி வைத்திருந்த சுமார் 150 லிட்டருக்கும் மேற்பட்ட சாராயத்தை பறிமுதல் செய்து அழித்தனர். பின்னர் கைதான இரண்டு பேரையும் போச்சம்பள்ளி நீதிமன்றத்தில் ஆஜர்படுத்தி கிருஷ்ணகிரி கிளை சிறையில் அடைத்தனர்.