திருப்பத்தூர் ஏரிகொடி பகுதியில் வேன் கவிழ்ந்து 22பேர் காயம்

திருப்பத்தூர் மாவட்டம் ஜவ்வாது மலை சின்னவட்டானூர் பகுதியைச் சேர்ந்த காளிமுத்து (20) இவர் ஜவ்வாது மலையில் இருந்து பிக்கப்வேனில் 25 பேரை ஏற்றுக் கொண்டு திருப்பத்தூர் நோக்கி வந்து கொண்டிருந்தார். அப்போது திருப்பத்தூர் ஏரி கொடி பகுதியில் வந்து கொண்டிருந்தபோது கட்டுப்பாட்டை இழந்து திடீரென ஏரி கொடி அருகாமையில் சாலையில் பிக்கப்வேன் கவிழ்ந்து 22 பேர் காயமடைந்தனர்.

மேலும் காயமடைந்தவர்களை 108 ஆம்புலன்ஸ் மூலம் மீட்டு திருப்பத்தூர் அரசு மருத்துவமனைக்கு அனுப்பி வைத்தனர் மேலும் திருப்பத்தூர் அரசு மருத்துவமனையில் 22 பேரும் சிகிச்சை பெற்று வருகின்றனர்.

இந்த சம்பவம் அறிந்த திருப்பத்தூர் மாவட்ட ஆட்சியர் தர்ப்பகராஜ் திருப்பத்தூர் அரசு மருத்துவமனைக்கு வந்து விபத்து ஏற்பட்டவர்களிடம் நலம் விசாரித்து ஆறுதல் கூறினார்.