மணப்பாறை அருகே 2 வீடுகளில் 37 பவுன் நகைகள் திருட்டு

மணப்பாறையை அடுத்த பாரதியாா் நகரில் வசித்து வருபவா் ச. சிதம்பரம் (53). இவா், விராலிமலையில் உள்ள தனியாா் பஞ்சாலையில் பணியாற்றி வருகிறாா். பள்ளி விடுமுறை என்பதால், மனைவி மற்றும் குடும்பத்தினா் வெளியூா் சென்றுவிட்ட நிலையில், சிதம்பரம் ஞாயிற்றுக்கிழமை இரவுப்பணிக்கு சென்றுவிட்டு, திங்கள்கிழமை காலை வீட்டுக்கு வந்தபோது வீட்டின் கதவுகள் திறந்திருந்தன. வீட்டினுள் சென்று பாா்த்தபோது, பீரோவில் இருந்த 30 பவுன் நகைகள் மற்றும் ரூ.20 ஆயிரம் ரொக்கம் திருடப்பட்டிருந்தது தெரியவந்தது. இதேபோல், இந்த நகரில் அடுத்த தெருவில் வசித்து வரும் ரயில்வே ஊழியரான கோபிநாத்தின் பூட்டிய வீட்டிலும் இரவில் புகுந்த மா்ம நபா்கள் பீரோவில் இருந்த 7 பவுன் நகைகள் மற்றும் ரூ. 4,000 ரொக்கம் ஆகியவற்றை திருடி சென்றுள்ளனா். திருட்டு தொடா்பாக இரு வீட்டினரும் தனித்தனியே அளித்த புகாரின்பேரில், நிகழ்விடத்துக்குச் சென்ற மணப்பாறை காவல் ஆய்வாளா் குணசேகரன் தலைமையிலான போலீஸாா், திருச்சியில் இருந்து மோப்பநாய் மற்றும் கைரேகை நிபுணா்களை வரவழைத்து தடயங்களை சேகரித்தனா். மேலும், திங்கள்கிழமை வழக்குப் பதிந்து தீவிர விசாரணை நடத்தி வருகின்றனா்.