ரூ.5 கோடி மோசடி செய்த வழக்கில் நடிகர் பவர் ஸ்டார் சீனிவாசன் கைது

டெல்​லியைச் சேர்ந்த தொழில​திபர் ஒரு​வர் கட்​டு​மான நிறு​வனம் நடத்தி வந்​தார். அவர், தனது நிறு​வனத்தை விரிவுபடுத்த ரூ.1,000 கோடி கடன் பெறு​வதற்கு முயற்​சித்​தார். இதையறிந்த நடிகர் பவர் ஸ்டார் சீனிவாசன், தான் கடன் வாங்​கித் தரு​வ​தாக அந்த தொழிலதிபரிடம் உறுதி அளித்​துள்​ளார். இதற்​கான கமிஷன் தொகை​யாக ரூ.10 கோடியை முதலில் தரும்​படி சீனி​வாசன் கேட்​டுக் கொண்​டுள்​ளார். ஆனால், அந்த தொழிலதிபர் சீனி​வாசனுக்கு முதல் கட்​ட​மாக ரூ.5 கோடியை வழங்​கிய​தாக கூறப்​படு​கிறது. பணத்​தைப் பெற்​றுக் கொண்ட சீனி​வாசன், உறுதி அளித்​த​படி கடனை பெற்​றுக் கொடுக்​காமல் இழுத்​தடித்​துள்​ளார். மேலும், கமிஷ​னாக பெற்ற தொகை​யை​யும் திரும்ப கொடுக்​க​வில்​லை​யாம். இதனால், அதிர்ச்சி அடைந்த தொழிலதிபர் இந்த பண மோசடி தொடர்​பாக டெல்லி பொருளா​தார குற்​றப்​பிரி​வில் சீனி​வாசன் மீது புகார் செய்​தார். அதன்​படி, அப்​பிரிவு போலீ​ஸார், சீனி​வாசன் மீது வழக்​குப் பதிவு செய்​து, அவரை 2013-ம் ஆண்டு கைது செய்​தனர். அதன் பின்​னர், ஜாமீனில் வெளியே வந்த சீனி​வாசன், 2018-ம் ஆண்டு முதல் விசா​ரணை நடவடிக்​கை​களில் ஆஜரா​காமல் இருந்​துள்​ளார். இதையடுத்து டெல்லி பாட்​டி​யாலா நீதி​மன்​றம் அவரை கைது செய்து நீதி​மன்​றத்தில் ஆஜர்​படுத்த உத்​தர​விட்டது. இதையடுத்து சென்னை வந்த டெல்லி பொருளா​தார குற்​றப்​பிரிவு போலீ​ஸார், அண்​ணாநகர் கிழக்கு 4-வது தெரு​வில் உள்ள வீட்​டில் பவர் ஸ்டார் சீனி​வாசனை கைது செய்​தனர். பின்​னர், அவரை டெல்​லிக்கு அழைத்​துச் சென்​றனர். கைது செய்​யப்​பட்ட சீனிவாசன் மீது சென்​னை​யிலும் இதே​போல் பல வழக்​கு​கள் உள்​ளன. அவர் கண்ணா லட்டு தின்ன ஆசையா படத்​தின் மூலம் தமிழ் சினி​மா​வில் பிரபல​மா​னார். அதைத் தொடர்ந்து பல படங்​களில் நகைச்​சுவை கதா​பாத்​திரத்​தில் நடித்​திருந்​தார். மேலும், அக்​குபஞ்​சர் டாக்​டர் படிப்​பும் படித்​துள்ளார்​ என்​பது குறிப்​பிடத்​தக்​கது.