வெறிநாய் கடித்து 6 ஆடுகள் பலி

நத்தம் அருகே மூங்கில்பட்டி குமரேசபுரத்தைச் சேர்ந்தவர் குமரன் (45) விவசாயி. இவர் 8 செம்மறியாடுகள் வளர்த்து வந்துள்ளார். அடைத்து வைக்கப்பட்டிருந்த ஆடுகளை அப்பகுதிகளைச் சேர்ந்த நாய்கள் கடித்து குதறியதில் 6 ஆடுகள் பலியாகின. தகவலின் பேரில் சம்பவ இடத்திற்கு சென்ற குட்டுப்பட்டி கால்நடை மருந்தக உதவி மருத்துவர் சுபலட்சுமி 6 ஆடுகளையும் அங்கு சென்று உடற்கூறாய்வு செய்தார். தொடர்ந்து அவைகள் புதைக்கப்பட்டது. மேலும் தப்பிய 2 ஆடுகளுகளுக்கு தடுப்பூசி போட்டு சிகிச்சை மேற் கொண்டார். மேலும் இது குறித்து அவர் கூறியதாவது. வெள்ளிகிழமை அப்பகுதியில் சிறப்பு கால்நடை முகாம் நடத்தப்பட்டு நாய்களுக்கு வெறிநோய் தடுப்பூசி முகாம் நடத்தப்பட உள்ளதாக கூறினார். மேலும் கால்நடைகளை பாதுகாக்க அதை வளர்ப்போர் நேரடி கண்காணிப்பில் மேய்த்து பராமரிக்க வேண்டும் என்கிறார்.