மக்காச்சோள பயிர்களில் படைப்புழு தாக்குதல் - எம்எல்ஏ ஆய்வு

பெரம்பலூர் சட்டமன்றத் தொகுதிக்குட்பட்ட அய்யலூர் பகுதியில் படைப்புளுக்களால் பாதிக்கப்பட்டுள்ள மக்காச்சோள வயல்களில் பெரம்பலூர் சட்டமன்ற உறுப்பினர் பிரபாகரன் நேரில் பார்வையிட்டு ஆய்வு செய்து விவசாயிகளுக்கு ஆறுதல் கூறினார். படைப்புழுக்களால் பாதிக்கப்பட்டுள்ள பயிர்கள் குறித்து மாவட்டம் முழுவதும் வேளாண்மை துறை அலுவலர்கள் மற்றும் வருவாய் துறை அலுவலர்களால் கணக்கெடுக்கப்பட்டு வருகிறது. கணக்கெடுப்பு பணிகள் முடிந்த பிறகு பாதிக்கப்பட்ட விவசாயிகளுக்கு உரிய நிவாரண உதவித் தொகையை பெற்றுத் தருவதற்கான நடவடிக்கைகள் துரிதமாக மேற்கொள்ளப்படும் என்று சட்டமன்ற உறுப்பினர் விவசாயிகளிடம் தெரிவித்தார். இந்த ஆய்வின்போது வேளாண்மை துறை இணை இயக்குனர் கீதா உள்ளிட்ட அலுவலர்கள் உடன் இருந்தனர்.