ஒசூரில் எம்எல்ஏ தலைமையில் திமுகவினர் அமைதிப்பேரணி

தமிழகத்தின் முன்னாள் முதல்வர் பேரறிஞர் அண்ணா 55ம் ஆண்டு நினைவு தினம் இன்று அனுசரிக்கப்படும் நிலையில் கிருஷ்ணகிரி மேற்கு மாவட்ட திமுகவினர் ஒசூர் மாநகராட்சி ராம்நகர் அண்ணா சிலை முன்பிருந்து ஒசூர் எம்எல்ஏ பிரகாஷ் தலைமையிலான நூற்றுக்கணக்கான திமுகவினர் அமைதி பேரணி மேற்க்கொண்டனர்.

ஒசூர் மாநகர முக்கிய வீதிகள் வழியாக வந்த திமுகவினரின் பேரணி ஓசூர் தாலுகா அலுவலக சாலையில் உள்ள அண்ணாசிலை முன்பு நிறைவுப்பெற்றது.. பின்னர் திமுகவினர், அண்ணாசிலைக்கு மாலை அணிவித்தும் அவரது படத்திற்கு மலர்தூவியும் மரியாதை செலுத்தினார்.

இப்பேரணியில் ஒசூர் மாநகர மேயர் சத்யா,இளைஞரணி மாநில துணை செயலாளர் சீனிவாசன், முன்னாள் எம்எல்ஏ முருகன் உள்ளிட்ட நூற்றுக்கணக்கான திமுகவினர் பங்கேற்றிருந்தனர்..