சிவகாசியில் எடப்பாடி பழனிசாமி பிரச்சாரம்

விருதுநகர் நாடாளுமன்ற தொகுதியில்,அதிமுக கூட்டணியில் உள்ள தேமுதிக கட்சி போட்டியிடுகிறது.தேமுதிக கட்சியின் நிறுவனரும்,முன்னாள் எதிர்கட்சி தலைவருமான மறைந்த நடிகர் விஜயகாந்தின் மகன் விஜயபிரபாகர் வேட்பாளராக போட்டியிடுகிறார்.கூட்டணி கட்சி வேட்பாளருக்கு ஆதரவு கேட்டு, அதிமுக கட்சியின் விருதுநகர் மேற்கு மாவட்ட செயலாளரும், முன்னாள் அமைச்சருமான கே.டி.ராஜேந்திரபாலாஜி தீவிர பிரச்சாரத்தில் ஈடுபட்டு வருகிறார்.

இன்று (வியாழன் கிழமை) மாலை,தேமுதிக வேட்பாளர் விஜயபிரபாகருக்கு ஆதரவு கேட்டு,பாவடி தோப்பு திடலில் பிரமாண்டமான பொதுக்கூட்டம் நடைபெறுகிறது.பொதுக் கூட்டத்தில்,முன்னாள் முதல்வர் எடப்பாடி பழனிச்சாமி கலந்து கொண்டு தேர்தல் பிரச்சாரம் செய்கிறார்.கூட்டத்திற்கான ஏற்பாடுகளை முன்னாள் அமைச்சர் கே.டி.ராஜேந்திரபாலாஜி தலைமையில்,அதிமுக கட்சி நிர்வாகிகள் சிறப்பாக செய்து வருகின்றனர்.