கரூரில் பைக்கில் கஞ்சாவை கடத்தியவர் கைது

கரூர் மாநகர பகுதியான திருக்காம்புலியூர் ரவுண்டானா பகுதியில், கஞ்சாவை கடத்தி வருவதாக மதுவிலக்கு பிரிவு சிறப்பு காவல் உதவி ஆய்வாளர் முத்துசாமிக்கு தகவல் கிடைத்தது.

இந்த தகவலின் அடிப்படையில் ஜனவரி 6ஆம் தேதி மதியம் 2:30 மணி அளவில் திருக்காம்புலியூர் ரவுண்டானா பகுதியில் வாகன தணிக்கையில் ஈடுபட்டிருந்தார். அப்போது, கரூர் மாவட்டம், பெரிய குளத்து பாளையம், காயத்ரி நகர், மூன்றாவது கிராஸ் பகுதியை சேர்ந்த நகுல்சாமி மகன் ராகேஷ் வயது 24 என்பவர் யமஹா ஆர்.15 என்ற டூவீலரில் கஞ்சாவை கடத்தி வந்தது கண்டறியப்பட்டு, ராகேஷ் கைது செய்யப்பட்டார்.

பின்னர், அவர் கடத்தி வந்த 1,200- கிலோ கிராம் கொண்ட, ரூபாய் 12,000- மதிப்புள்ள கஞ்சாவை பறிமுதல் செய்தனர். இத்துடன் அவர் ஓட்டி வந்த ரூபாய் ஒரு லட்சம் மதிப்புள்ள யமஹா வாகனத்தையும் பறிமுதல் செய்தனர்.

பின்னர்,ராகேஷ் மீது வழக்கு பதிவு செய்த காவல்துறையினர், நீதிமன்றத்தில் ஆஜர் படுத்தி சிறையில் அடைத்து, நடவடிக்கை மேற்கொண்டனர் கரூர் மதுவிலக்கு பிரிவு காவல்துறையினர்.