கிராமம் முழுக்க விசிட் அடித்த எம்.எல்.ஏ.,

தென்காசி மாவட்டம் சங்கரன்கோவில் சட்டமன்ற தொகுதிக்குட்பட்ட குருவிகுளம் ஒன்றியம் பழங்கோட்டை ஊராட்சி மேல அழகுநாச்சியார்புரம் கிராமம் அமைந்துள்ளது. அடிப்படை வசதிகள் செய்து தரவில்லை என அப்பகுதி மக்களால் புகார் எழுந்த நிலையில் இதனை அறிந்த சங்கரன்கோவில் சட்டமன்ற உறுப்பினர் வழக்கறிஞர் ராஜா நேரடியாக அந்த பகுதிக்கு சென்று பார்வையிட்டு ஆய்வு மேற்கொண்டார்.

அப்போது சுடுகாட்டுக்கு பாதை இல்லை என தெரிவித்த அப்பகுதி மக்கள் சுமார் 2 கிலோ மீட்டர் தூரம் நடந்து சென்று ஆய்வு செய்து தொடர்ந்து நமக்கு நாமே திட்டம் மூலம் சுடுகாடு வசதி செய்து தரப்படும் எனவும், மேலும் சிமெண்ட் சாலை வசதிகள் தண்ணீர் வசதி உள்ளிட்ட கோரிக்கைகளை உடனடியாக ஏற்பாடு செய்ய அதிகாரிகளுக்கு உத்தரவிட்டார். இதனை எடுத்து அப்பகுதியில் கிராம மக்கள் குறைதீர்க்கும் நிகழ்ச்சியில் அப்பகுதி இளைஞர்கள் நூலகம் ஒன்று கட்டித் தர வேண்டும் என்று கூறியதை தொடரும் அதிவிரைவில் அது செய்து தரப்படும் என கூறி உடனடியாக 500 புத்தகங்கள் வழங்க ஏற்பாடு செய்தார்.