சுந்தரபுரத்தில் வாகனஒட்டி மீது மின்கம்பிகள் விழும் வீடியோ வைரல்

கோவை- பொள்ளாச்சி சாலை சுந்தராபுரம் அண்ணாசிலை பகுதியை அடுத்து காந்திநகர் பகுதி உள்ளது.இங்கு உள்ள 7வது தெருவில் நேற்று காலை சுமார் 8:45 மணியளவில் மின்கம்பம் சாய்ந்து மின் கம்பிகள் அறுந்து விழுந்துள்ளன.

அப்போது அவ்வழியாக இரு சக்கர வாகனத்தில் வந்த வாகன ஓட்டி ஒருவர் மீது மின் கம்பிகள் விழுந்ததில் நிலை தடுமாறி கீழே விழுந்ததில் அவருக்கு காயங்கள் ஏற்பட்டது.அவரது அலறல் சத்தம் கேட்டு வந்த அப்பகுதி மக்கள் அவரை மீட்டு முதலுதவி சிகிச்சை அளித்துள்ளனர்.

பின்னர் இது குறித்து மின்வாரிய அலுவலக ஊழியர்களுக்கு தகவல் அளிக்கப்பட்டு மின்கம்பங்கள் சரி செய்யும் பணிகள் மேற்கொள்ளப்பட்டுள்ளது.தற்பொழுது இந்த விபத்தின் சிசிடிவி கட்சிகள் வெளியாகி வைரலாகி உள்ளது.