பைக்கில் இருந்து தவறி விழுந்த பெண் பலி!

தூத்துக்குடி மாவட்டம், கோவில்பட்டியையடுத்த இனாம்மணியாச்சி ஊராட்சி ஆலம்பட்டியைச் சோ்ந்த சின்னசாமி மகன் முருகேசன்(33). இவா் மற்றும் இவரது உறவினர் செ.கிருஷ்ணம்மாள்(50) ஆகிய இருவரும் பைக்கில் கடந்த மாதம் 28ஆம் தேதி தென்காசி மாவட்டம் அய்வாய்புலிபட்டி கிராமத்துக்கு பைக்கில் சென்றுக் கொண்டிருந்தாா்களாம். முருகேசன் ஓட்டிச் சென்ற பைக் கோவில்பட்டி இளையரசனேந்தல் சாலையில் உள்ள தனியாா் திருமண மண்டபம் அருகே சென்றுக் கொண்டிருந்த போது, நாய் குறுக்கே வந்ததால் முருகேசன் திடீரென பிரேக் போட்டாராம். அப்போது பைக்கில் பின்னால் அமா்ந்திருந்த கிருஷ்ணம்மாள் தவறி கீழே விழுந்தாராம். இதில் பலத்த காயமடைந்த அவா் கோவில்பட்டி தனியாா் மருத்துவமனையில் சிகிச்சைக்குப் பின், தீவிர சிகிச்சைக்காக மதுரை ராஜாஜி மருத்துவக் கல்லூரி மருத்துவமனையில் அனுமதிக்கப்பட்டாா். ஆனால் அங்கு சிகிச்சைப் பலனின்றி கிருஷ்ணம்மாள் நேற்று உயிரிழந்தாா். இதுகுறித்து மேற்கு காவல் போலீசார் வழக்குப் பதிந்து விசாரணை நடத்தி வருகின்றனர்.