மாநில அளவிலான சதுர்த்த சரண், ஹீராக்பங்க் விருதுத்தேர்வு முகாம்

நாமக்கல் மாவட்டம், குப்பாண்டபாளையம் எஸ்.எஸ்.எம் செண்ட்ரல் பள்ளி வளாகத்தில் சாரண இயக்கத்தில் பயிற்சிபெறும் 5 முதல் 10 வயது வரை உள்ள குருளையர் மற்றும் நீலப்பறவையினர்களுக்கு மாநில அளவில் வழங்கப்படும். சதுர்த்த சரண் மற்றும் ஹீராக்பங்க் விருதுகளுக்கான தேர்வு முகாம் நடைபெற்றது.

மாவட்ட சாரணீய உதவி ஆணையர் புஷ்பா இளவரசன் தலைமையில் நடைபெற்ற இத்தேர்வு முகாமினை நாமக்கல் மாவட்ட முதன்மைக் கல்வி அலுவலரும் முதன்மை ஆணையருமான ப.மகேஷ்வரி துவக்கி வைத்தார். மாவட்டச்செயலர் து.விஜய் முகாம் சார்ந்த அறிமுக உரையாற்றினார்.

திருச்செங்கோடு சாரண மாவட்டத்தைச் சார்ந்த 364 பேர் கலந்து கொண்ட இத்தேர்வு முகாமினை மாநிலத்தலைமையக வழிகாட்டுதல்களின் படி பொன்சங்கர், லதா ஆகியோர் அடங்கிய குழு சிறப்பாக நடத்தியது.

மாலை நடைபெற்ற நிறைவு விழாவிற்கு எஸ்.எஸ்.எம் கல்வி நிறுவனங்களின் தாளாளர் இரவீந்திரன் தலைமை தாங்கினார். எஸ்.எஸ்.எம் சென்ட்ரல் பள்ளியின் முதல்வர் மிராஸ்கரீம், எஸ்.எஸ்.எம்.லட்சுமியம்மாள் தொடக்கப் பள்ளியின் தலைமையாசிரியர் கமலசுந்தரி ஆகியோர் முன்னிலை வகித்தனர். மாவட்டக் கல்வி அலுவலரும் (தனியார் பள்ளிகள்) மாவட்ட சாரண ஆணையருமான ப.கணேசன் சிறப்பு விருந்தினராகக் கலந்து கொண்டு தேர்வு முகாமில் பங்கேற்ற அனைவரும் தேர்ச்சி பெற வாழ்த்தினார்.

மாவட்டக்கல்வி அலுவலர் (இடைநிலை)மற்றும் திருச்செங்கோடு மாவட்ட முதன்மை ஆணையர் இரவிச்சந்திரன், மாவட்டக் கல்வி அலுவலர் (தொடக்கல்வி) மற்றும் மாவட்ட சாரண ஆணையர் பாலசுப்ரமணியம், தலைமையிடத்து ஆணையர் பி.வி.குமார், இரகோத்தமன் ஆகியோர் முகாம் சிறக்க தங்களது வாழ்த்துக்களைத் தெரிவித்துக் கொண்டனர்.

முகாமிற்கான ஏற்பாடுகளை கவிதா, மணியரசன், விஜயகுமார் ஆகியோர் அடங்கிய குழு சிறபாகச்செய்திருந்தது.