ராசிபுரம் பாஜக சார்பில் 3 மாநில வெற்றிக் கொண்டாட்டம்

நாமக்கல் மாவட்டம் ராசிபுரம் நகர பாஜக சார்பில் மூன்று மாநிலங்களில் பாஜக வெற்றி பெற்றதை கொண்டாடும் வகையில் பாஜகவை சேர்ந்த நிர்வாகிகள், தொண்டர்கள் பட்டாசு வெடித்து இனிப்புகள் வழங்கிய உற்சாகமாக கொண்டாடினர். ராசிபுரம் 14-வது வார்டு பகுதியில் பாஜக சார்பில் நடைபெற்ற கொண்டாட்டத்தில் நகர பாஜக துணைத் தலைவர் எஸ்.குமார் தலைமையில் கட்சியினர் பட்டாசு வெடித்தும், பொதுமக்களுக்கு இனிப்புகள் வழங்கியும் கொண்டாடினர். இதில் நகர பொதுச்செயலாளர்கள் ஜி.நாகராஜன், வெங்கேடசன், முன்னாள் நகரச் செயலர் எஸ்.மணிகண்டன், மாவட்டச் செயலர் நாகராஜன், ஒபிசி அணி நகரத் தலைவர் பாஸ்கரன், கிளைத் தலைவர் துளசி, விஜயகுமார், மகளிரணி கீதா, ராணி உள்ளிட்ட கட்சியினர் பலர் பங்கேற்றனர்.